SiteMap
தமிழ் இசைக் கல்லூரி வரலாறு  

 
தமிழ் இசைக் கல்லூரி : தோற்றம் : 1944
Top
1944 சனவரி, இருபத்து மூன்றாம் நாள் சென்னைத் தமிழிசைச் சங்கத்தின் சார்பாகத் தமிழ்இசை மாலை நேர கல்லூரி தொடங்கப்பெற்றது. இராவ்பகதூர் டி. எம். சின்னையா பிள்ளை அவர்கள் தலைமையில், திவான்பகதூர் டி. எம். நாராயணசாமிப் பிள்ளை, திரு. மு. அ. சிதம்பரம், இசையரசு எம். எம். தண்டபாணி தேசிகர், பேராசிரியர் லெ. ப. கரு. இராமநாதன் செட்டியார், பேராசிரியர் பி. சாம்பமூர்த்தி, திருப்பாம்புரம் டி.என். சாமிநாதப் பிள்ளை உள்ளிட்ட பலர், இக் கல்லூரியின் ஆலோசனைக் குழுவில் இடம் பெற்றனர்.

இக் கல்லூரி பின்பு பெரிய அமைப்பில், அப்போது கல்வி அமைச்சராக இருந்த திரு. சி. சுப்ரமணியம் அவர்களால், தொடங்கிவைக்கப்பெற்றது. இவ் விழாவில், சங்கத் தலைவர் திவான் பகதூர் டி. எம். நாராயணசாமிப் பிள்ளை அவர்கள் கூறிய வரவேற்புரையில், சங்க துணை தலைவர் டாக்டர் ராஜா சர் முத்தையா செட்டியார் அவர்கள் கூறிய நன்றியுரையிலும் கல்லூரியின் நோக்கங்களை விளக்கமாக எடுத்துரைத்துதார்கள்.

அரியக்குடி இராமனுச ஐயங்கார், திருவிடைமருதூர் பி.எஸ் வீருசாமி பிள்ளை. பாலக்காடு டி.எஸ். மணி ஐயர், பழநி எம். சுப்‌பிரமணியபிள்ளை, எம். எல். வசந்தகுமாரி, மதுரை எஸ். சோமசுந்திரம், டாக்டர் எஸ். இராமநாதன், சீர்காழி எஸ். கோவிந்தராசன், திரு. சி.எஸ். முருகபூபதி முதலிய இசைப்பேரறிஞர்களும், தமிழ் இசை மாலைக் கல்லூரியின் மதிப்பியல் முதல்வர்களாகப் பணியாற்றியுள்ளனர் என்பது குறிப்பிடத்தக்கது

இக்கல்லூரி தொடங்கிய காலத்தில் கிழ்வேளூர் மீனாட்சிசுந்தரம் பிள்ளை அவர்களும், பின்னர், தலைமை ஆசிரியர்களாகத் தஞ்சை க.பொ. கிரிஷ்ணமூர்த்தி பிள்ளை, சித்தூர் வி. இராமச்சந்திரன் ஆகியோரும் பணியாற்றினார். இவர்களைத் தொடர்ந்து திரு. த. சங்கரன் அவர்கள் மாலை நேர கல்லூரி இயக்குநராகப் பணியாற்றியதை அடுத்து, இசைப் பேரறிஞர் மீ.ப. சோமசுந்தரம் (சோமு) அவர்கள், மாலை நேர கல்லூரியின் இயக்குநராகப் பணியாற்றி வந்தார். பகல்/மாலை இசைக் கல்லூரிகளுக்கு, கலைமாமணி. இசைப்பேரறிஞர் பேராசிரியர், முனைவர் திருப்பாம்புரம் சோ. சண்முகசுந்தரம் அவர்கள் இயக்குநராகப் பணியாற்றி 18-05-2010 அன்று இயற்கை எய்தியதைத் தொடர்ந்து, தற்போது பகல்/மாலை இசைக் கல்லூரிகளுக்கு இசையியல்-இசை ஆசிரியர் பயிற்சித்துறை, பேராசிரியர், கலைமாமணி சங்கீத வித்வான் இசைக்கலைச்செல்வர் டாக்டர் பி.டி. செல்லத்துரை (செ.ச) எம்.ஏ., பி.எட்., டிப்ளமா இன் மியூசிக், டி.லிட்., பி.எச்.டி., அவர்கள் 1995-ஆம் ஆண்டில் தொடங்கப்பெற்றது பகல் நேரக் கல்லூரிக்கு முதல்வராகவும், 23-08-2010 முதல் இயக்குநராகவும்,மாலை நேரக் கல்லூரிக்கு கலைமாமணி வேதாரண்யம் வி.ஜி. பாலசுப்ரமணியம் அவர்கள் துணைமுதல்வராகவும் பணியாற்றி, பணியிலிருந்து ஓய்வு பெற்றனர். 2008-2009 ஆம் கல்வியாண்டு முதல், பகல்/மாலை நேரக் கல்லூரிகளுக்கு டாக்டர் ஆ. சுமதி அவர்கள் பொறுப்பு முதல்வராகவும் 2010-2011 ஆம் ஆண்டு முதல் 2011-12 ஆம் ஆண்டு வரை முதல்வராகவும் பணியாற்றினார்கள். 2012-13 ஆம் ஆண்டு முதல் முனைவர் லெட்சுமி பொதுவாள் அவர்கள் முதல்வர் பொறுப்பேற்று பணியாற்றி வருகிறார்கள்.

பகல் நேர இசைக் கல்லூரியில் இளங்கலை இசை (B.Music), முதுகலை இசை (M.Music), 'இசைக்கலைமணி', 'வாத்தியக்கலைமணி', ஆட்ற்கலைமணி', 'நாட்டுவாங்கக்கலைமணி', 'இசை ஆசிரியர் பயிற்சி' ஆகிய பட்ட மற்றும் பட்டயங்களுக்குரிய வகுப்புகள் நடைபெற்று வருகின்றன.

விதிமுறைகளும் நிபந்தனைகளும் | Font Help | வலையக வடிவமைப்பு 1024 x 768 திரை பயன்பாட்டுக்கு | வலையக வடிவமைப்பு செர்ரிடெக் சொல்யூசன்ஸ் லிமிடெட்